Листівки до свята Пасхи Христової, 2018 р.

 

Під час Хресної ходи навколо храму в Пасхальну ніч
співатиметься стихіра празника Пасхи Христової, глас 6:

Воскресение Твое, Христе Спасе, /
Ангели поют на небесех, /
и нас на земли сподоби /
чистым сердцем / Тебе славити.

Пасхальні Часи*

Молитвами святых отец наших, Господи Иисусе Христе Боже наш, помилуй нас. Аминь.

Христос воскресе из мертвых, смертию смерть поправ, и сущим во гробех живот даровав. (Тричі)

Воскресение Христово видевше, поклонимся Святому Господу Иисусу, Единому Безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову Воскресению: се бо прииде Крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши. (Тричі)

Іпакоі, глас 8-й:
Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго, с мертвыми что ищете яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.

Кондак, глас 8-й:
Аще и во гроб снизшел еси, Безсмертне, но адову разрушил еси силу, и воскресл еси яко Победитель, Христе Боже, женам мироносицам вещавый: «радуйтеся», и Твоим апостолом мир даруяй, падшим подаяй воскресение.

Тропарі, глас 8-й:
Во гробе плотски, во аде же с душею яко Бог, в раи же с разбойником, и на престоле был еси, Христе, со Отцем и Духом, вся исполняяй, Неописанный.

Слава Отцу и Сыну и Святому Духу.

Яко Живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего воскресения.

И ныне и присно и во веки веков. Аминь.

Вышняго освященное Божественное селение, радуйся: Тобою бо дадеся радость, Богородице, зовущим: Благословенна Ты в женах еси, Всенепорочная Владычице.

Господи, помилуй. (40 разів)

Слава Отцу и Сыну и Святому Духу, и ныне и присно и во веки веков. Аминь.

Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

І тропар:
Христос воскресе из мертвых, смертию смерть поправ, и сущим во гробех живот даровав. (Тричі)

Слава Отцу и Сыну и Святому Духу, и ныне и присно и во веки веков. Аминь.

Господи, помилуй. (Тричі)

Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.

*Пасхальною седмицею ці Часи читають замість ранішніх та вечірніх молитов.